畢業季節，外國唔少名人都會獲邀參加大學畢業禮，

上台講兩句。

之前FB 教主Mark Zuckerberg嘅致詞廣為瘋傳，

今日我地聽吓另一個有腦之人史提芬史匹堡嘅金石良言。

呢位大導對住呢班畢業生講，年青時佢都唔知自己係咩人，

因為人生頭25年都係聽人地講嘢，

老師、家長甚至老闆都係話俾你知個世界係點。

你接收好多，但未必全部認同。

有時，你內在有把聲音反對，但係為咗順從，你唔出聲。

史匹堡話呢把內在聲音好微弱，但係當佢專注去搵，就發現到自己嘅直覺。

「理智」(consciousness)同「直覺」（intuition)嘅分別係︰

前者大大聲話你知「你要做啲乜」，而後者就係輕輕提你「你可以做啲乜」。

史匹堡最後提在座學生，相信你嘅直覺，

佢先係真正塑造你自己嘅關鍵。

為人父母，尤其是仔女開始大、有自己想法嘅時候，

點先可以保持「適當距離」，唔好令你嘅經驗，

影響小朋友尋找自我嘅特性？

將心比己啦，自己都唔鍾意俾人灌輸「人生道理」嘅話，

就唔好長氣又「侵」氣喇。

幾時都要記住，唔好成為童年時你所討厭嘅成年人。

【熱搜】另一經典，喬布斯史丹福畢業演講