傑出學生擺年宵 搵創作人笨?

 

做善事有好多種,捐錢係最常見,

但係呢期成日見到嘅玩法係︰

叫創作人捐心血時間。

 

有個叫「香港傑出學生協會」嘅組織,

呢期周圍同本地創作人聯絡,

聲稱搞咗個年宵攤檔,希望邀請創作人提交佢地嘅作品,

一旦被選中,就有機會成為實體貨品,喺年宵攤檔度賣。

 

好筍?有創作人就爆︰對方冇打算俾授權費!

即係點?你畫完公仔,俾呢個傑出學生協會揀,

相中嘞,就出product喺佢地個年宵攤檔度賣,所得收益就捐咗佢。

畫圖嘅,一毫子都冇得分。 

原post

 

咁「公平」嘅deal被踢爆,組織出咗個解釋,

承認「在公開招募的過程中,未周全考慮到設計授權費一事」。

不過,面對眾多網友負評,會長都係將同一個聲明Copy n paste嚟reply。

原post

 

 

其實呢單都唔係第一次,「鵝王」Cliffy就話試過有學生組織搵佢幫手畫個post宣傳,

問對方有無budget,佢話無。

但係以Cliffy所知,呢個組織接觸其他人就話有budget。

原post

另一個做編織手作嘅La Belle Epoque,

遇過有NGO搵佢織件大冷衫被卡通人物著,著完再義賣,

但係完全冇預Budget俾人,莫講話買料。

原post

乜原來香港啲創作人,係識光合作用,唔駛收錢都生存到?

行善個光環就機構拎晒,出個credit俾人就當報酬?會唔會太天真?

最近的19+幾樣野

全球最窄暗彎 考起多國車手

為囡囡愉快童年 24孝爸爸家中開遊樂場

釣出電郵騙徒 YouTuber寄相機有下文

患癌煙民的感慨︰想唱首搖籃曲俾孫聽

網民爭住參加「慈善啤王大賽」

城大小鮮肉大改造變混血男

吸塵機變BB車

錯怪元朗小店劏狗 鄺神做店員致歉

香港有個得三個人住嘅小島

實測!「妹妹」震動鬧鐘