香港新的士曝光 網民:似倫敦的士

TOYOTA新版的士運到嚟香港啦!呢部車係電動加石油氣車,好似話慳油啲。

 

有網民喺的士司機資訊網 Taxi 度post,

話好似見到新的士。

其實呢部係TOYOTA最新嘅混能車,

不過仲未正式可以喺香港載客,

因為仲要過政府部門審批,

暫時存放喺葵涌貨櫃碼頭。

呢款車售價約30萬左右,

比傳統石油氣的士車款貴約5萬蚊架!

雖然售價就貴啲,

但係就話比較慳油,可能咁樣抵返啦。

而且混能車係未來趨勢,

TOYOTA嘅石油氣4座位的士係出年年頭都會停產啦!

 

網民又點睇?

唔少人話呢部車好似倫敦的士,

亦有人話似麵包車,

唔知大家有冇幻想到佢變綠色會點?

 

點都好,總之唔好拒載過海就得架啦!

 

原post傳送門