使用條款 | 私隱政策

錯怪元朗小店劏狗 鄺神做店員致歉

早前有人影到元朗有食肆門口擺放具動物屍體,搞到好大風波。

 

當時張相影到具動物屍體,冇咗個頭,

唔知係羊定狗,

而間食肆係賣羊腩煲,

所以隨即有人鬧間食肆掛羊頭賣狗肉,

又話公然劏狗等等,

搞到立法會議員鄺神都走出嚟跟進。

 

店主一早否認賣狗肉,

但係網上審判聲音一發不可收拾,

幾乎係一口咬定店主違法劏狗,

搞到間小店生意一落千丈。

 

最後經當局驗完,證明間小店並唔係賣狗,

店主先得以伸冤,

大批網民怪錯店主,

結果又一班網民出嚟聲討鄺神,

認為佢屈咗店主,搞到其生意大受影響,

直鬧佢魯莽同草率。

 

琴晚鄺神終於道歉,

「這一次確實處理得不理想,為表歉意,

上星期特意再探望幹哥,親自向他誠意致歉。」

佢仲「被罰」做店員,

幫手包外賣,

店主就話: 「嗱,罰咗你喇!」

 

呢單嘢,重點係網上太易批評同指控人,

又唔使負責任,

做乜都可以鬧一餐,

好心啦,唔好跟車太貼,

未有任何化驗結果就鬧咗先,

如果佢真係賣狗,你就正義,

但萬一佢唔係賣狗呢?

咁你就係蝦緊一間小本經營嘅食店。

 

依家間小店真係生意大跌,店主又以淚洗臉,

你就食哂花生,

但係人哋生活受影響,

鬧之前,真係唔該諗一諗,

鬧遲一陣,唔使死架!

 

鄺神致歉post

最近的19+幾樣野

唔想分心玩電話? 用定時解鎖食物盒鎖起手機

「當值時我會想著你」 二手店發現 65年前士兵的道歉情書

《芝麻街》新角色 教小朋友認識「寄養家庭」

group chat公然爆粗鬧 內衣店新同事被欺凌 係咪羅生門?

現實版《小飛象》受盡折磨 瘦骨嶙峋斷腳慘死

法官審案金句多 網友︰呢啲官先至夠貼地