潮池（區家麟筆名）江湖地位十足，畀得佢寫文抨擊，嘉倩BB認真要諗諗。

是咁的，嘉倩BB離開大台後，

轉型做KOL，

影過雜誌性感照，

最近更加賣靈芝孢子廣告，

令到唔少人對呢位清純女主播形象改觀。

唔止咁樣，新聞界亦有好多討論聲音，

認為嘉倩BB拎住個TVB主播光環出嚟搵真銀，

搵到過咗火。

畢竟做過主播，對觀眾而言有一定公信力，

賣靈芝孢子呢啲非註冊藥物，

實在敏感。

早前黃應士先生（新聞界重量級人物）喺樹仁接受訪問時都講，

主播離職後，應該小心處理自己身份，

唔好利用咗觀眾對新聞從業員嘅信任。

不過黃先生無開名嘅，並非指明任何人，

而係一個潮流。

至於潮池（區家麟筆名）今日就大大隻字，

講到明係話嘉倩BB賣靈芝孢子廣告唔啱，

因為呢啲廣告喺佢眼中十分取巧，

潮池咁寫：

「廣告中，嘉倩BB多次講述，其宣傳的靈芝孢子經「前浸大中醫藥研究所」「初步臨床證實」乜乜乜。我一見到「浸大中醫藥研究所」就彈起，好多年前，有個賣冬蟲夏草的廣告，就大大隻字話「經浸大中醫藥研究所驗證」，海報無寫清楚驗證了什麼，細看一下，才知道，是驗證了成分，不是驗證成效。這些廣告，就喜歡同你玩文字遊戲、玩錯覺。」

請大家睇埋原文，句句精彩，

潮池出名筆力雄健，字字鏗鏘，

佢仲講到明，今次只係開場白，

即係一定有下集再鬧，

睇嚟嘉倩BB以後真係要諗清諗楚自己路向啦！