支付寶方便咗大陸人生活，同時方便咗騙徒。

呢條片就演出一個個案，

真係騙徒手法層出不窮，

當你以為自己收到錢，

但其實畀騙徒一掃你部手機，

就利用到有病毒嘅程式入侵你帳戶，

事關用支付寶，手機同銀行戶口會有連結，

即係好似你用信用卡上Apple Store買嘢一樣，

都係有哂你戶口資料。

呢個case係警惕大家要提高警覺，

雖然掃一掃部電話就過到數係好方便，

但同時都好易出事。

早排盛傳支付寶會引入香港，

大家真係小心啦！

就算唔係用支付寶，

對啲不明來歷／陌生人畀你嘅QR code都要小心。

大陸就係好多共享單車嘅code都係毒，

會入侵市民帳戶偷資料偷錢。

所以話呢，唔好太盲目追求科技帶來方便，

基本防備心一定要時刻保持！