使用條款 | 私隱政策

網紅打泰拳 熱血宣言勁勵志

「微辣」呢個影片團隊,成員來自澳門,

其中一位叫「霍哥」,之前澳門風災,就有人影到佢落區幫手收拾現場。(唔係為咗拍片)

 

霍哥今晚會出戰打泰拳,佢尋日就拍咗條片,

講返自己點解要比賽。

原來霍哥中學年代係籃球健將,帶領學校拎過唔少榮譽,

仲同隊友約定,即使畢咗業都要打波,做一世隊友。

 

點知,2009年霍哥遇上車禍,左腳重創,以後做唔到劇烈運動。

佢避見隊友,自暴自棄,由170磅變成200磅!

之後,成為網路紅人,令佢重拾信心。

因為識咗班打泰拳朋友,佢有機會上台出賽,但係又擔心舊患影響表現。

 

喺日日數like同辛苦操練之間,霍哥揀咗後者。

佢想搵返以前嘅自己。

不過操練真係好辛苦,減磅、被人打、跑唔郁,數唔清嘅挫折,

霍哥都諗過放棄。

師傅一句「男人決定要做嘅事,幾辛苦都要堅持落去!」,令佢頂硬上,

減到165磅,做足師傅要求嘅訓練!

「做任何事,只要堅持,一定有成果」

減肥又好、讀書又好、儲錢又好,撐住!

這,是一個男人的故事!

這,是一個堅持的故事;這,是一個男人的故事;這,是霍哥的故事。霍哥哥 Jeffrey Fok#明天就是霍哥出賽的日子#霍哥聽日會直播比賽 #密切留意

Posted by 微辣 Manner on 2017年11月28日