使用條款 | 私隱政策

回帶︰森美教你做人

 

N年前,商台同TVB搞咗個《十人巷》選秀節目,

搵出有潛質喺電台電視台發展嘅新血。

林穎彤(Bella)都係呢個節目出身。

主持就有時任TVB總經理嘅志雲大師同埋森美。

節目玩法係每周要參加者完成任務交功課,再睇吓邊個表現欠佳就雪藏佢。

 

有一集,參加者要訪問古巨基,森美事先聽佢地會問咩。

其中一個叫豆豆嘅男仔,

居然問「古sir你中五畢業,被人叫你古Sir會唔會尷尬」。

森美一聽即刻火起,鬧佢「腎腎地」,因為條問題「心地唔好」,

而且令受訪者感覺唔好,訪問亦唔會好聽。

 

之後,豆豆同另一個叫BB嘅男參加者瀕臨被叮走,

森美問佢地foul邊個,BB承認自己做得唔好,

而豆豆就自誇「我覺得自己唱得唔錯」!

於是,森美一嘢就雪藏豆豆。

 

事後豆豆喊晒口,離開直播室遇到森美,

見佢咁,森美問咩事,點知豆豆好直接講「我唔想同你講嘢」。

 

咁嘅情況,換著係我,一定爆到條靚仔飛起。

 

但係森美講雪藏佢嘅理由,好合理。

我直情覺得,豆豆喺呢個比賽最成功嘅,就係chok到森美講呢番說話。

「唔係因為大家功課做得好唔好而被雪藏……

每一次被雪藏嘅人都有原因,而原因係你係咪個好quality嘅人」。

 

人品好,緊要過做到啲乜。

掉返轉,人品好嘅人,做嘢會拎個心,唔會差得去邊。

莫講話年青人,好多人幾十歲都未學識呢樣嘢,

又或者拎條片去教訓後生,咪心地唔好囉。

 

呢條片,好多人睇過。

不過,學到嘢嘅人,有幾多?

我們該如何讓子女面對 輸/贏

* 給我們很好分享* (森美) 留意片尾『 我們該如何讓子女面對 輸/贏』人生 有些事情,當我們年輕的時候,無法懂得, 當我們懂得的時候,已不再年輕。正面認識得與失,人就會在得到的時候,懂得必然的失落;也會在失落的時候,,如何從失落中找回自我。

Posted by 宏軒 Best Concept Emp Services Ctr. on 2017年11月24日