使用條款 | 私隱政策

無業22歲女大肚 母親送300萬做首期

大佬,「好勵志」囉。

 

一個本身住公屋嘅22歲女仔,同老公兩個都冇返工,

但係買得起725萬嘅將軍澳君傲灣。

點解?

 

因為個女仔大咗肚,

而佢媽媽唔想個孫喺公屋環境長大,

希望佢哋住得舒服,

所以拎咗接近300萬出嚟畀首期,

買入君傲灣一個440呎單位。

 

咁佢哋兩公婆冇工返,點供樓?

Well,阿媽話幫佢哋供住先。

 

大嗱嗱300萬可以拎出嚟,

呢位公屋母親真係好嘢,

有錢買私樓又要住公屋。

佢報稱住明德邨,係家庭主婦,老公係商人,

即係公屋富戶啦!

 

父母係公屋富戶,

子女可以唔返工但有私樓住,

喂,真係好公平喎。

 

有網民話要趕走呢個富戶,

不過又咁講,明德邨係可以買嘅公屋,

所以又唔一定話可以趕走佢嘅。

 

點都好啦,呢個「一代養三代」嘅故事引嚟咁大迴響,

怪只怪現時樓價太高,我哋人工太低。

 

#曲線要講明

原文報道

買樓十大誤解