又話加100%煙稅 真係合邏輯?

吸煙與健康委員會成日都話要加煙稅,今次話加到76蚊。

 

倡議加煙稅,同倡議急症室加價到300蚊一樣,

都只係一個建議,

程序上連立會行會等機關都未到,根本冇任何法律效力,

但係每次一有乜乜主席出嚟講,

都會畀傳媒將呢個「月經post」小題大造。

 

根據蘋果日報報道

「吸煙與健康委員會建議大幅增加煙草稅一倍,由現時的38元加至76元,

認為有望令吸煙率於10年後降至5%或以下。」

從呢幾句,我睇到兩個疑問:

 

1)今年加100%煙稅,就等於10年後煙民數目會下降?

2)回歸基本,加煙稅真係會令煙民數目大幅下降?

 

首先呢,依家香港嘅煙民佔10.5%人口,主要為男性,

年齡方面除咗15-19歲組別特別少人,

其餘年齡分佈都好平均,唔會只係集中喺阿叔阿伯身上,

就算10年後呢班阿伯死咗,煙民比例都唔會突然大幅下降。

如果要10年後降至5%或以下,

根據政府資料嘅10年後人口比例去推算,即係全港煙民會比現時少一半。

 

提議加100%煙稅,係因為啲人認為價格上升會導致需求下降,

先假設加價會令人買少啲正價煙,

但係試問今日又點可以預料10年後嘅經濟?

通縮通漲係絕對唔能夠排除,

10年後,76蚊可能相對係好平嘅價錢,

邊個可以用今日嘅價錢,去平估10年後消費者對件貨嘅反應?

「由現時的38元加至76元,認為有望令吸煙率於10年後降至5%或以下。」

看似有道理,但其實冇說服力。

 

回歸基本,加煙稅真係會令煙民數目大幅下降?

「價格上升會導致需求下降」呢個係經濟學知識,

我同意。

不過唔好忘記,經濟學上有樣嘢叫替代品,

正價煙嘅替代品就係私煙/關口免稅煙,

煙民對私煙/關口免稅煙嘅需求會上升,

多咗人買私煙/關口免稅煙,煙民真係會大幅下降?

 

我對加減煙稅無特別立場,唔係話「加煙稅,煙民減少」就一定錯,

不過對住好多似是疑非嘅句子,

真係好希望大家用邏輯諗一諗,

唔好人講你又講。

 

 

最近的19+幾樣野

社會實驗︰你夠膽在陌生人面前開大嗎?

人工智能續寫《哈利波特》 會變成點? 

雪地喵星人咁取暖

《星戰》防劇透神器

玩命死仔 塞個頭入水泥桶

本地藝術家畫花小店大閘 背後好有愛

90年代日劇必備場口