使用條款 | 私隱政策

做埋同事嗰份 佢領功仲要當老奉

早前同大家呻過,我公司好多障礙物,如果你想做得成一件事,就要做埋佢哋果份。

 

為件事好,明知需要你果part嘅嘢,

我呢啲做細嘅,又叫你唔郁,唔通踢你咩?

唯有自己做埋你果份,

做JD以外嘅事都算,OT去做都算,

事成後你領哂功都算,

唔該都冇聲都算,

但係條友仲要當老奉。

 

「得一,就想二」

當你做過一次成功,

到第二次有同類型嘅嘢,就自動入你數,

但記住,做係你做,唔係你功勞。

咁我都算啦,如果計較功勞就連第一次都唔會出手。

 

最過份嘅係,

老奉次次入你數後,仲要挑剔你做嘅嘢。

Fine,你絕對可以提出相反意見,

絕對可以一齊討論,

但係條友提出嘅問題,係反映出佢對件事完全無做過功課,

結果我答佢嘅嘢,係只要你肯花時間做啲research就會知,

咁同你開會做乜啫?浪費各位同事時間。

 

做埋你果份,仲要畀你提剔,

睇嚟,障礙物係會自我生長,

即係越嚟越阻住地球轉!

 

— 扮工室障礙物研究員

最近的19+幾樣野

【絕世濕工】琴行請人 最低7800蚊?

台灣又出靚女教師

外國調查:視老細為拍擋 打工仔增幸福感

【新發明】會令同事瞬間消失的「專心神器」

【扮工收風】公營機構又一單 請情婦做下屬

40歲以上打工仔 每週工時不宜超過30小時

外媒報道:世上最靚的空姐

【外國研究】對同事黑面 有助提升工作效率

【港鐵大塞】打工仔勤工獎損失 高達一億九千萬

【熱話】林鄭參觀小學 重點竟然是靚女Miss