使用條款 | 私隱政策

流浪漢搭訕女遊客 搭出神奇浪漫結局

 

一個女子去旅行,事事小心好正常。

艷遇嘛,well……

如果得到嘅係流浪漢搭訕,你會敬而遠之,定係坐低傾2句?

 

瑞典作家艾美(Emmy Abrahamson),2006年喺阿姆斯特丹旅行時,

遇到一個流浪漢,污糟邋遢,拖住袋垃圾。

呢個男人行埋佢度,問佢幾點。

 

呢d catch up lines?失敗率係120%。

不過咁,Emmy發覺對方雙眼好靚,就同佢傾咗一陣。

 

流浪漢終於鼓起勇氣,問Emmy「我下個禮拜會唔會見到你?」。

Emmy話ok,佢自己都估唔到。

 

下一個周末,Emmy準時應約,但係流浪漢遲到。

等咗一陣,Vic,即係流浪先生,出現了。

佢地嘅約會就係食個快餐、散步、傾計。

傾到夜晚,大家都依依不捨,可惜第二日Emmy就要返去暫住嘅維也納。

最後Emmy將自己嘅電話號碼交俾Vic,以為無下文了。

點知,三個禮拜後,Vic打俾Emmy!!!!!

 

原來Vic一直對Emmy念念不忘,用盡辦法去維也納,

就係咁,戀愛發生了。

 

相處落嚟先知,Vic本來係美國人,放低工作去歐洲流浪,

點知用晒啲錢,唯有瞓街,

直到Emmy出現,先改寫佢嘅人生。

故事嘅下文唔駛多講,就係Happy Ending。

Vic發奮振作成為工程師、喺古堡結婚、生咗一對龍鳳胎、Emmy仲以自身經歷出咗本書,銷量不俗。

佢地上完電視節目講返呢件事,出街後好多單身絲打都話,

今個情人節想有著落,真係要留意下附近啲流浪漢。

原post傳送門

最近的19+幾樣野

善良劇透網 預告有冇狗狗死亡 血腥畫面

去沙灘贏晒!超浮誇快艇型浮床

日本毒男毒女餐廳 大量自閉位仲有得叉電

SNAPCHAT童顏效果 竟然係捉孌童癖神器

阿媽著小背心出席阿仔生日會 被餐廳趕走