使用條款 | 私隱政策

「植物蛋」進軍香港 背後由李嘉誠投資

內地「假雞蛋」早前搞到港人恐慌,但今次誠哥嘅「植物蛋」卻賣健康形象。

 

誠哥一向鍾意投資生物科技,

無論係醫療定食品都有。

唔知大家仲記唔記得,

2014年時誠哥喺傳媒面前表演炒蛋,

就係示範用JUST Scramble「植物蛋」煮食。

呢種「蛋」係人造液體,

即係絕非由母雞所生,無蛋殼,全人工,

廠商話係用綠豆同其他植物提煉,

經煮熱後,會由流質變成同真雞蛋無異嘅賣相。

誠哥示範事隔近4年,呢種「蛋」終於進軍香港啦,

本港已經有餐廳用嚟做All Day同午餐,

個All Day仲叫「超人套餐」㖭!

不得不提,呢種蛋除咗得到誠哥投資,

仲有其他世界級富豪名人加持,

微軟嘅Bill Gates、

雅虎創辦人楊致遠同Paypal創辦人Peter Thil等富豪都有課金架。

點解會咁把炮呢?

雖然呢啲「蛋」係人工,

但係廠商力稱佢係零膽固醇,

亦聲稱卡路里比真雞蛋低,

除咗想吸引純素食者,

亦想吸引一啲非常注重飲食健康嘅人士。

同時,廠商亦指生蛋嘅母雞常受到不人道對待,

長期被困喺個籠入面,只負責做生蛋機器,

認為改用人工蛋可以改善呢個問題。

背後呢個理念又幾好喎!

 

但到底呢啲「蛋」係咪比起真雞蛋有營養同健康?

定係都係天然由母雞所生嘅好?

我哋唔幫人賣廣告,

食物始終都係食入口,

實在要靠日後多啲科學數據同各位自行判斷了。

 

外國傳媒CNN Money報道

本港餐廳對JUST Scramble簡介

最近的19+幾樣野

善良劇透網 預告有冇狗狗死亡 血腥畫面

去沙灘贏晒!超浮誇快艇型浮床

日本毒男毒女餐廳 大量自閉位仲有得叉電

SNAPCHAT童顏效果 竟然係捉孌童癖神器

阿媽著小背心出席阿仔生日會 被餐廳趕走