使用條款 | 私隱政策

父愛偉大 老豆穿芭蕾舞裙陪囡囡上課

呢個奶爸真係好啊!為咗陪囡囡親子活動,獻出第一次著裙!

 

美國一位愛好健身嘅好爸爸Thanh Tran,

絕對係鐵漢柔情!

佢同8歲囡囡感情非常好,

有日佢收到囡囡邀請,想爸爸陪佢上芭蕾舞堂,

但有一個條件,

就係要爸爸都著芭蕾舞裙!

嘩!要堂堂一個大男人著裙?!

Thanh Tran最初搵咗好多藉口去推,

例如話懷緊第二胎嘅媽咪可能快要生B,

話要照顧佢所以唔得閒,

但最後,呢名大隻爸爸都係接受咗邀請。

 

原因係乜呢?

就係為咗囡囡一笑。

Thanh Tran仲非常認真地搵嚟一條襯返囡囡嘅「黑天鵝」,

父女裝上陣。

Thanh Tran穿上呢條裙「身材出眾」好有喜感,

囡囡當然開心到飛起!

事後呢名爸爸仲大方放相上網,

獲得網民like爆!

 

更加值得一提嘅係,

當太太生完第二胎,Thanh Tran就會成為全職奶爸,

依家已經越嚟越多人打破「男主外女主內」嘅傳統,

Thanh Tran湊小朋友樂在其中,

前世情人又咁開心,

真係快樂家庭!

 

暖心老爸穿芭蕾舞裙現身女兒課堂

為了女兒的微笑,暖心老爸穿芭蕾舞裙現身女兒課堂。

Posted by NowThis 新聞 on 2018年2月5日

 

 

最近的19+幾樣野

善良劇透網 預告有冇狗狗死亡 血腥畫面

去沙灘贏晒!超浮誇快艇型浮床

日本毒男毒女餐廳 大量自閉位仲有得叉電

SNAPCHAT童顏效果 竟然係捉孌童癖神器

阿媽著小背心出席阿仔生日會 被餐廳趕走