使用條款 | 私隱政策

要狗狗企滑板衝落六級樓梯 主人捱轟

有片段拍到喺香港有主人將隻哥基放上滑板,仲要狗狗衝落樓梯。

 

呢段短片片長只得15秒,

片中可見到一名男主人帶住哥基狗狗散步,

而當時哥基已經喺滑板上,

佢哋前面有一條有六級嘅樓梯,

男主人並無停低抱起狗狗,

反而由狗狗用滑板衝落樓梯,

主人就喺旁邊跟住跑,

最後佢哋都安全「著陸」。

 

從片段觀察所得,

當時狗狗面前樓梯並無猶疑或急停,

似乎唔係第一次咁玩法,

而成功著地後,

主人亦對住鏡頭輕鬆一笑,

並不覺得有問題。

呢段片上咗外國趣怪搞笑短片分享嘅Facebook page UNILAD,

獲超過3萬likes,近萬個shares,

好快又傳返嚟香港各大小愛護寵物嘅討論group,

引起香港網民一輪罵戰,

先是有人批評男主人要狗玩滑板,

甚至要佢落樓梯,

係妄顧狗狗安全,

認為咁樣好似整傷狗狗。

 

但係呢種批評並非一面倒,

同時唔少網民好撐男主人,

反擊批評嘅一方係寵物界「怪獸家長」,

「玩吓」都覺得有問題。

 

其實先唔好計哥基啲手腳咁短,

就算係人,

要用滑板衝落六級樓梯都係有危險,

何況係一隻狗?

 

要同狗狗玩嘅方法有好多種,

可以揀啲安全嘅活動,

有危險時唔單止冇咗隻寵物,

係冇咗個朋友,

一時玩樂,值得嗎?

 

Skater Pup Spotting In Hong Kong

"Spotted this skater pup in Hong Kong" 😂🙌

Posted by UNILAD on 2018年2月8日

【相關搜尋】會開車的狗

 

最近的19+幾樣野

9歲女仲食緊人奶 非常阿媽被網友鬧變態

16港人單車環台 踩上國道險象環生遭警帶走

日式$148牛肉爆丼變迷你飯?食客呻中伏

5歲童患罕有癌症 臨終前對媽媽說「對不起」

家有毛孩要mark低!全港獸醫診所資料表

純愛故事下集 失散50年 他們重遇了!

專送核突小禮物 日本甘油條今年送呢條「大腸巾」