使用條款 | 私隱政策

記者為做Live要消防等 TVB:無阻救援

NOW新聞截圖

天災人禍無人想,但危難中可見人性光輝,或者醜惡。

 

大埔嚴重車禍令全香港人都好痛心,

筆者朋友個老公,係當日第一個入車廂救援嘅消防員,

佢形容「車頭啲屍體叠到腰咁高…」

車廂損毀後,只夠兩名消防員入去,

而佢哋真係盡咗最大努力去將死傷者一個個搬出嚟。

 

喺救搜人員搏哂老命救人同時,卻有人「做Live大過天」,

當警察要記者退後方便消防員工作,

有女記者竟然以要做Live為由,

向警察表示「你畀三分半鐘我哋,得唔得?」而唔肯離開住,

而當時架巴士入面仲有人被困,

人命攸關,係一秒都唔等得。

直到警察拒絕,

女記者先表示「我哋退」然後行開。

件事因為當時NOW新聞台有做直播而公開,

呢名女記者受盡網民批評,

認為佢為咗做Live而不顧消防員爭分奪秒救人。

事後TVB發聲明指,

「本台記者一如所有前線記者一樣,在採訪重大事故時爭分奪秒,

但必會堅守專業原則和操守,絶不會因採訪而妨礙救援工作。」

並強調記者「絕無在任何時間阻礙消防救援行動」。

TVB Facebook截圖

呢個聲明嘅邏輯係:

因為記者最終無妨礙救援,

所以佢無做錯。

 

看似好有道理,但諗深一層,

純粹以結果嚟引證或評論個動機,合理咩?

 

令到網民咁嬲嘅原因,

係出於女記者問呢條問題嘅心態,

就係想做Live為先,

要爭分奪秒救人嘅消防員等等。

NOW新聞截圖

最後無嚴重阻礙到救援,

係因為警察同消防根本無應承到呢個要求。

如果佢哋應承咗呢?咁個Live就做架啦!

到時畀人鬧阻到救援,就可以賴係警察同消防嘅決定。

總之,「做Live大過天」。

 

《100毛》更加轉載咗TVB Facebook admin回應觀眾投訴,

(傳送門)

話「我們同事只是問阿Sir可唔可以,沒有夾硬來。

問是攞阿Sir意見。」

 

原來「問吓啫」就唔使負責任?

有啲道德基礎已經有好清晰界定,

唔可以就係唔可以。

下次你啲記者敢唔敢喺法庭度舉手問法官,

「法官,你可唔可以畀多3分半鐘我先宣判,

因為我想一陣喺出面做Live。」

你估吓法官睬唔睬你!

 

發問係記者天職,但係發問都應該要用腦。

 

總結一句:

做嘢除咗有分件事做得好唔好,仲有分心哋好唔好。

心哋唔好,贏咗個Live,妄顧其他市民生命安危,

呢啲仲叫公義咩?記者!

無記記者一路拖延救援隊,因為要做live

(足本版)消防員爭分奪秒,要吊起架巴士救人,希望各傳媒讓開個位出黎方便救援,點知有個無記男記者要求「俾多幾分鐘」佢,個啊SIR已講消防係等緊佢地記者離開,但無記記者一路拖延,把口就話好快好快,但揸住支咪根本等緊開live,睇到都火滾!

Posted by 迴光返照 on 2018年2月10日

 

最近的19+幾樣野

9歲女仲食緊人奶 非常阿媽被網友鬧變態

16港人單車環台 踩上國道險象環生遭警帶走

日式$148牛肉爆丼變迷你飯?食客呻中伏

5歲童患罕有癌症 臨終前對媽媽說「對不起」

家有毛孩要mark低!全港獸醫診所資料表

純愛故事下集 失散50年 他們重遇了!

專送核突小禮物 日本甘油條今年送呢條「大腸巾」