理大學生會被指擅用$2000萬投資 買基金冇招標

原來學生會可以用八位數字投資?當中涉及用$1500萬買巨額保險。

 

理大學生組織開咗個page叫「理事亭」,

琴晚佢哋出post指,

理大學生會評議會上年未有諮詢會員,

就購買咗一份$1500萬保單,

今年又話要用$850萬買信託基金。

 

咁呢份信託基金有冇公開招標?

原來係冇。

 

根據《蘋果》訪問理大學生會評議會主席兼臨時行政委員會主席葉松青,

佢話基金係由財政秘書搵經紀買,

當中無招標過程,

但當事人就強調無涉及個人利益。

 

咁嘅程序之下,

不禁令人質疑呢種做法好易造成利益輸送,

畢竟咁大筆錢投資,涉及好多佣金,

而且涉及咁多學生會員利益,

理應公開公平公正地招標,以免被質疑。

 

至於嗰$1500萬保單,

根據葉主席講法,

「每年供300萬元,供5年,

10年後便每年可有約100萬元收益。」

要10年後先可以拎返收益,

先唔講係咪值得,

但都係同一個問題,冇諮詢會員冇招標就買咗,

實在非明智之舉。

 

同埋,原來學生會係有咁多錢。

真係希望理大有關方面可以好好檢討監管制度,

以免惹人懷疑,或者發生唔好嘅事件。

 

討論post傳送門

最近的19+幾樣野

廣告公司搞家長日 帶埋父母返工

「請不要叫我牛郎」 直擊夜場男公關工作

出街執垃圾 係北歐最潮減肥法?

洗衫唔記得拎走紙巾 呢招救你一命

商經局高官造型被恥笑 可以點搞?

肥仔都是潛力股 留鬚變男神

【鐵漢柔情】好爸爸陪愛妻水中生產 百萬人欣賞

史泰龍又被誤傳死訊 親自拍片:我仲打緊拳

霸氣女遊日拒代購 一句KO麻煩友