正如去淘寶都會睇評價，外國人上amazon網購，
都會評用家comment。
除咗睇吓有冇中伏，仲因為……好多買家都會用心寫「包膠」，
好有娛樂性。
例如呢個喺amazon有售嘅超巨型沙灘波，
充氣之後有成12呎咁高，睇落好fun。
不過有買家只係俾咗2粒星。
佢嘅留言大意係咁︰
「帶個波去沙灘，用2個鐘泵漲佢，玩咗10分鐘，係正嘅。
直至大風吹走個波，所到之處一片狼藉，
細路啲沙堡壘俾佢打爛晒，大人想保護屋企人結果俾佢撞低晒。
我地越追，個波飛得越快，之後我地都放棄嘞，
因為個波撞爛咁多嘢，賠錢都賠死。
最後聽講個波吹到去佛羅里達州，而我地喺南卡羅納州唔見嘅，証明個波都幾硬淨……」
當然係誇咗啲，不過都有人接力。
「我俾佢搞到家破人亡」
甚至有人寫咗條潮文話同個波結婚……
睇完，會唔會反而想買？