使用條款 | 私隱政策

「請不要叫我牛郎」 直擊夜場男公關工作

 

以前,香港經濟起飛,夜夜笙歌,五光十色。

而家嘅香港,夜生活係做啲咩?

Clubbing?酒吧飲嘢?定係返屋企玩電話睇劇?

飲酒作樂呢啲高消費活動,好似少咗人玩。

 

隔個大海,台北仲有唔少夜場,

客人飲酒仲會搵公關傾計,有佢地搞下氣氛,飲都飲得開心。

 

做公關係咪等於賣身?

呢篇訪問就搵咗台北一位男公關貝勒講佢嘅工作。

貝勒直言「我不是牛郎」。

 

本來係做台灣電視購物頻道model嘅貝勒,

細個志願係做藝人,身高184嘅佢順利入行,拍過廣告同劇集。

但係演藝圈唔易做,有日有個女model問佢︰

「你外型好,要唔要轉行?算係演藝圈,暗黑版,反正都是演戲」。

就係咁,轉行做咗男公關。

 

公關要做咩?不外乎飲酒、唱歌、搞氣氛。

但係一啲都唔易。

首先,要喺15分鐘時間之內﹐令客人對你有良好印象,mark你。

紅起上嚟,走幾枱,又唔可以令客人等太耐,

就要搵同事幫手。

 

咁點解貝勒話公關唔係牛郎?

因為佢心目中,牛郎可以同客人瞓,

但係公關要同客人外出,要諗得好謹慎。

對方係權貴嘅人?死得。

變成同客人係情侶嘅「戀愛客」,雖然好搵,但又會冇晒神秘感。

 

其實聽落,公關比起平常人,更加惜肉如金。

 

原post

貝勒個人訪問

最近的19+幾樣野

繼續集氣 24歲女子急需肺部移植

著名兒童青少年文學作家 君比逝世

網上問價 李力持被網友鬧「x樣」

違禁品包裹被扣起 唔係口罩 係人腦?!

紀錄抗爭者傷痕 入圍國際大賽 香港攝影師作品被下架

朱凱迪研製布口罩 真係有效?