使用條款 | 私隱政策

【有片】買Supreme炒水貨不成 12中國人擸摺凳打保安

有12名中國人一心去日本炒水貨做排隊黨,點知畀保安發現,拒絕佢哋入店。

 

話說今個月係東京開賣Supreme x Nike x NBA服裝嘅大日子,

有波鞋又有外套,絕對係潮流界盛事。

就係以下呢啲產品啦: (圖片來源:Sneaker NewsHotNewHipHop

上周五喺澀谷店開售,就引嚟過百人排長龍,

但係當中出現咗「可疑人士」,就係排隊黨,

即係炒家/代購黃牛。

聰明嘅保安憑12名中國人嘅衣著打扮,

認為佢哋根本唔係買嚟自用,

而係代購炒黃牛,

於是拒絕佢哋入店購買。

有人心有不甘,並且動粗,

擸摺凳同雨傘圍打同追打保安,

結果要出動警察維持秩序。

呢件事畀途人拍片,

而片段就流出咗,仲上埋日本Yahoo同日本電視台。

 

炒水貨本身呢個行為已經令用家討厭,

買唔成仲要動粗,真係影衰成個國家!