使用條款 | 私隱政策

珠寶集團請「攝影文員」即係做咩?

 

 

而家啲工作職銜,千奇百趣。

銀行跑數sales,就叫「助理副總裁」。

科技產品巨擘嘅前線銷售員工,就叫「天才」(genius)。

 

仲有呢個case,有大型珠寶公司,出招聘廣告,

請「攝影文員」。

工作係要幫首飾影「高質素相片」、執相,同埋一啲文書工作。

但比起文員,呢個post唔止要識用MS Office,

仲要識用單反、photoshop。

 

咁到底「攝影文員」,即係想請攝影師定係文員?

我估就係冇咁多budget,

於是話請文員,平時「間唔時」先要影相,

但係用文員價請攝影師,然後就可以一次過滿足晒腦細2個願望!係咪咁?

 

咁又係嘅,分分鐘請個in house攝影師,

起碼2-3萬蚊一個月,而家請個「文員」,嗌12K都有得同應徵者講價呀~

 

珠寶行計足首飾金條火數含金量,數口精?唔出奇呀。

原post傳送門