近年大力打擊假和尚嘅翁靜晶宣佈，警察通過社團註冊成立「警察佛學會」。
翁靜晶喺社交網站Facebook貼文，
寫道：竟然有了名符其實的「佛門警察」了！
意思係指有警察通過社團註冊，正式成立「警察佛學會」。
翻查資料，
原來呢個「警察佛學會」喺上年6月已經註冊，
並邀請咗香港佛教聯合會常任董事暨香港大學佛學研究中心講師衍空法師擔任導師，
亦喺上年12月搞過創會活動，
警隊官方網頁都有記載。
呢啲「佛門警察」除咗會敲經念佛之外，
翁靜晶更希望佢哋會協助打擊假和尚。
翁靜晶近年經常揭發寺廟同佛門大師醜聞，
呢啲醜聞屢屢登上各大報章，
引起好多市民關注，
翁靜晶話：
「一宗宗的佛門醜聞，反而引起了更多人對佛教產生興趣」
仲話「反面教材」功德無量。
唔知第時會唔會有佛門警訊呢？