使用條款 | 私隱政策

執相過度?台灣政客當場被踢爆

 

做人不要太PS。

而家咁多美圖app,執得幾靚都好,

除非你一世唔見人,又或者你覺得「上鏡靚過真人」係一句讚美。

 

台灣年底有選舉,各個黨派嘅黨內初選而家正在進行中,

唔少有意參選者而家開始出來造勢,

希望取得選舉入場券。

競選宣傳品唔多唔少有參選者張相,

正所謂「大頭相即係大執相」,執走一條半條皺紋白頭髮,都算。

有台灣網友就影到台北一位國民黨參選人企街站宣傳,

咁啱呢位王女士企正自己個「易拉架」隔離,

咁就gg了。

原post傳送門

 

除此以外,PS技術大家咁高咁大,

千祈唔好好似另一位參選人咁……

 

佢嘅設計師幫佢執靚咗個樣,

但係個倒影就……

呢塊咪就係傳說中嘅「照妖鏡」?

原post傳送門