家有長輩行動不便，家人要日夜照顧都有難度，
更何況係鄰居？
四川一名60歲、譯音姓吳嘅婦人，過去30年都照料緊住喺附近嘅一個殘疾人士。
譯音姓劉嘅56歲男子，自幼身世堪坷，
父母喺佢童年時離世，年青時又因病而失明失聰。
兄弟姊妹，一係病死，一係就嫁到他方，得佢一個照顧自己。
吳婦見狀，即使家境不算好，都擔起照顧劉先生嘅責任。
十年前，更將自己家中一隅改建，接劉先生過嚟住，方便照料。
丈夫逝世後，吳婦要擔起生計，照顧家中孩子及鄰居，
好不吃力。
打工之餘，半夜仲要起身幫劉先生上廁所同餵水，
過年過節要探親都行唔開，不過吳婦毫無怨言。
「這是命運」，她說。
當地官員知道吳婦處境，決定發放津貼，
等佢唔駛打工，可以在家照料劉先生。
一旦連吳婦都因為身體狀況處理唔到，地方政府都會出手相助。
19＋精選推介
秒like 19+ Facebook！