Gap中國地圖Tee冇印到台灣同藏南等地，引嚟內地網民不滿，結果Gap急道歉兼將貨品下架。
話就話係一件平民大眾化T-shirt嘅圖案，
不過一涉及到地圖，
就係非常認真嘅土地主權問題。
話說Gap有件Tee喺心口位置印咗中國地圖，
但係地圖上就冇藏南、台灣及南中國海島嶼，
引嚟內地網民不滿，認為咁樣不尊重中國土地主權，
結果Gap急喺微博道歉，
兼將貨品喺網上商店同實體店全面下架。
喺道歉貼文入面，
Gap承認「設計有誤」，
又指一向「尊重中國的主權和領土完整」，
話今次只係「一時無意的失誤」，
仲話會進行內部調查，以防再有發生。
至於下架嘅衫，將會全數銷毀。
所以話，真係唔好睇少一件Tee呀，
一個唔覺隨時可以搞出外交風波，
大家又點睇呢？
19＋精選推介
秒like 19+ Facebook！