點解薄餅店要俾錢整路?原來係高招廣告

 

揸車朋友最怕馬路凹凸不平,傷車又dun親乘客。

香港地方細還算好,有咩事打1823都叫有人處理。

外國地方咁大工人又少,投訴完你只可以等。

 

連鎖薄餅店Dominos就出咗條橋,可以話係雙贏。

 

佢地同美國4個城市當局合作,主動負責小型修路工程。

Pizza同整路?大纜都扯唔埋喎。

呢間公司嘅老細就話,外賣電單車行過爛馬路,

會dun到pizza變晒樣,令熱愛pizza同關注顧客感受嘅佢地唔高頹。

整好條路,pizza順利到埗,咁就開心晒啦。

 

咁梗係冇免費午餐啦。

喺補好嘅窿上面,都噴咗呢間公司嘅招牌。

有參與合作嘅市長就好buy呢種咁有創意嘅合作︰

唔駛錢有人幫你解決問題,對方又有機會賣廣告,一舉兩得。

 

香港?呢期咁多大工程要執漏,

有冇邊間公司想認頭先?

原文報導

最近的19+幾樣野

一次過睇晒!300+舊報紙廣告

VR骨場 虛擬少女幫你按腳 師傅其實係…

減走半個自己 瘦身男做手術「修皮」

被劏肚遭鹽醃 少男死於暴力天使手下

大義滅親?網友爭相投訴阿媽唔衛生

同老婆嘈交 人夫揸飛機撞自己屋企