使用條款 | 私隱政策

【非常富豪】擁七間上市公司被指富二代 黎偉業堅稱冇父蔭

上回講到城中富豪黎偉業有三幢比華利山別墅,佢話唔係父蔭,但小編就查到佢曾喺父親嘅金融集團任職。

 

黎偉業曾透露佢喺外國留學回港後,

喺父親嘅金融集團任職,

所以令人認為佢係富二代。

不過佢就話自己離開金融集團後創業,

冇用屋企人一分一毫,

因為屋企人「明確表示不會在金錢上給予支持」,

故此佢認為自己係百分百白手興家。

 

點解屋企人有錢,但係又唔畀一蚊個仔創業呢?

 

黎偉業就話,諗返轉頭係父母想佢多啲磨練,

所以要佢一手一腳賺錢,

結果佢憑住一條租工廈畀大學生做office嘅橋,

成功發達。

呢條橋就係同朋友夾份租工廈改裝為迷你寫字樓,

免費畀大學生成立一人公司創業,

呢班大學生經常為自己創作嘅產品搞活動去推廣,

黎偉業就到處聯絡廣告商搵贊助,賺取中間嘅廣告費,

從而搵到第一桶金,一賺就係幾百萬。

 

然後佢將業務範圍不斷擴展,

旅遊、飲食、電競、創科到醫療等等都有,名下共140間公司。

 

咁到底係家境幫助,定係個人能力,

定係兩樣都有呢?

大家就自行判斷!

 

想了解更多黎偉業嘅故事,明周呢篇訪問都好好睇!

【名人家居】黎偉業七千呎大屋任食任玩

 

【相關搜尋】成功需父幹的蔡加讚

圖片來源:都市日報、都市盛世、Stars HK 及網上資料圖片

最近的19+幾樣野

9歲女仲食緊人奶 非常阿媽被網友鬧變態

16港人單車環台 踩上國道險象環生遭警帶走

日式$148牛肉爆丼變迷你飯?食客呻中伏

5歲童患罕有癌症 臨終前對媽媽說「對不起」

家有毛孩要mark低!全港獸醫診所資料表

純愛故事下集 失散50年 他們重遇了!

專送核突小禮物 日本甘油條今年送呢條「大腸巾」