宇宙最強舊片出土 跳舞勁過城城?

唔知點解,跳舞呢項技能,喺香港娛樂圈冇咩市場。

 

跳舞歌手,數來數去都仲係郭富城。

歌舞劇?有嘛?

以舞蹈為主題嘅電影,數來數去都仲係《狂舞派》,再數上去?好似無啦。

原來有嘅,卡士勁到你唔信。

 

最近有fb專頁將80年代港產片《情逢敵手》片段上載,

一段以街頭popping /locking舞步嘅開場,

鋪排極之流暢,位舞者仲跳得好出色。

呢位舞者,叫做……

甄子丹。

翻查資料,《情》喺1985年上映,係仲未係宇宙最強嘅丹爺第2套擔正電影,

當年票房6百幾萬,算普通啦。

但係而家睇返,又幾潮。

舞跳得好睇兼且食到環境元素,

好似喺啟德機場大堂拍嘅一幕,就用行李車、行李箱配合舞步,

而且33年前已經有角色染粉紅頭啦,問你怕未?

究竟係咪拍跳舞戲市場反應麻麻,令丹爺都係想以打戲打出頭?就真係問吓佢本人先知。

 

難怪佢係「宇宙最強」,跳舞又得,彈琴又得,詠春又得,

仲係武術動作設計同埋導演,身家又厚。

連當年嘅假哨牙都冇埋!

喂,公平咩?

原post

最近的19+幾樣野

香港寬頻fb送iPhone遊戲 疑似益自己人?

《芝麻街》創作人承認 Bert同Ernie係hehe情侶

國泰航機串錯字 Pacific 變Paciic

小島20年冇罪案 因咩事打爛齋鉢?

最瘋狂功課 老師叫小學雞數一億粒米

$23000出國觀禮朋友反應冷淡 新娘開post要脅unfriend

女權份子聲討新iphone 太大部危害女性手部健康

寫過殺夫文章 作家被控謀殺親夫