英格蘭領隊件西裝背心有玄機?原來係國產手機搞鬼

世界盃嘅威力係︰唔睇波嘅,都會睇。

 

幾十億個眼球望住,要一舉成名,其實唔難。

 

就好似英格蘭領隊修夫基,「收視」絕對不低於C朗、連加特呢啲靚仔球星,

亦比起其他領隊搶鏡。

唔止因為身型keep得好,

佢次次出場都係裇衫打呔加件西裝背心,端莊得來唔會太拘緊,

著出英式紳士風兼fit晒體育賽事氣氛。

就係咁,英國大型百貨連鎖馬莎表示,類似修夫基所著嘅西裝背心,

呢期銷量上升35%。

 

咁都唔止,仲有相影到,修夫基喺對哥倫比亞賽事所著件背心上面

啲直條紋原來係印住It’s coming home。

呢句取材自經典英國金曲,球迷見到自然聯想起「雷米金盃終於返嚟」,

仲唔癲晒咩?

難怪當地網友瘋傳嘅。

不過,國產手機品牌華為就出嚟澄清,張相係佢地合成出來,

目的係宣傳旗下手機鏡頭連細節都睇得清。

 

之但係唔少網友都好buy呢個idea,反而叫馬莎諗諗佢!

查實「暗花原來係細字」呢條橋,之前都有人玩過。

MMA格鬥選手Conor McGregor喺舊年大戰拳王Maywather嘅賽前記者會上,

就著咗件直間幼紋西裝褸,俾記者發現啲紋路,

原來係繡上Fxxk you細字……

原文傳送門

【相關搜尋】5個必須注意的西裝穿法

最近的19+幾樣野

香港寬頻fb送iPhone遊戲 疑似益自己人?

《芝麻街》創作人承認 Bert同Ernie係hehe情侶

國泰航機串錯字 Pacific 變Paciic

小島20年冇罪案 因咩事打爛齋鉢?

最瘋狂功課 老師叫小學雞數一億粒米

$23000出國觀禮朋友反應冷淡 新娘開post要脅unfriend

女權份子聲討新iphone 太大部危害女性手部健康

寫過殺夫文章 作家被控謀殺親夫