泰國少足隊被困洞穴 領隊或不是罪人

 

全球目光都睇住泰國清萊府嘅營救少年足球隊行動。

 

事發多日,一直有報導指,

係因為25歲足球隊教練艾卡普(Ekapol Chanthawong)帶住成隊少年探險先搞成咁。

被搜救人員搵到之後,艾卡普向外界致謝之餘,亦都有向隊員家長致歉。

而泰國警方都表示不排除起訴教練。

但係有當地媒體就爆出事件另一版本。

呢班少年被發現失蹤後數小時,住喺洞穴附近嘅艾卡普收到家長電話,

希望佢幫手搵仔。

就係咁,艾卡普同一班少年一齊被困。

泰國海豹部隊搵到呢13個生還者後透露,艾卡普將所有清水同食物留俾隊員,

又教少年要瞓低減少體力消耗,

仲收集洞頂滴下嘅水作為飲用水。

 

艾卡波本身係孤兒,7歲時村落發生瘟疫,家人全部病逝,

之後佢被送到寺廟出家,試過喺山洞內靜坐修行。

有傳佢喺洞內有教少年打坐,令佢地保持心境平靜。

可能,佢都係一班少年捱得過被困多日嘅功臣。

 

真相係邊個版本都好,最緊要其餘被困者同救援人員都可以平安無事。

原文傳送門

最近的19+幾樣野

香港寬頻fb送iPhone遊戲 疑似益自己人?

《芝麻街》創作人承認 Bert同Ernie係hehe情侶

國泰航機串錯字 Pacific 變Paciic

小島20年冇罪案 因咩事打爛齋鉢?

最瘋狂功課 老師叫小學雞數一億粒米

$23000出國觀禮朋友反應冷淡 新娘開post要脅unfriend

女權份子聲討新iphone 太大部危害女性手部健康

寫過殺夫文章 作家被控謀殺親夫