使用條款 | 私隱政策

狗狗愛滑浪 原來有故講

我覺得一到夏天係要有「海面交通消息」先得,

成個海都係快艇,

載住一班玩wakeboard/wakesurf嘅男女,

密密麻麻咁,其實都幾得人驚。

 

香港海灘冇咩浪,所以要開船造浪俾人滑。

美國加州就唔同,有浪而且沙灘大,連狗都識surf!

有隻加州哥基狗Jojo,成日都喺沙灘蒲頭,

由主人帶佢滑浪,企得定定咁,好老練喎。

 

Jojo去滑浪唔係為咗玩,而係……做康復治療。

主人Josephine話,佢同Jojo之前俾其他狗襲擊,

愛犬受重傷爭啲冇命,執返條命仔之後要做水療復原。

 

因為老公冇工開,為咗慳錢,就帶Jojo去沙灘玩水代替水療。

玩玩下,玩埋滑浪。

仲參加過比賽,有獎拎架!

嚟緊9月又會出戰,隨時拎多個獎盃添~

 

咁叻嘅狗狗又點會冇開instagram?即刻睇佢有幾犀利啦。

Jojo個IG

原post傳送門

最近的19+幾樣野

唔想分心玩電話? 用定時解鎖食物盒鎖起手機

「當值時我會想著你」 二手店發現 65年前士兵的道歉情書

《芝麻街》新角色 教小朋友認識「寄養家庭」

group chat公然爆粗鬧 內衣店新同事被欺凌 係咪羅生門?

現實版《小飛象》受盡折磨 瘦骨嶙峋斷腳慘死

法官審案金句多 網友︰呢啲官先至夠貼地