坐飛機冇膽識靚仔鄰座 單親媽事後後悔發動人肉搜尋

 

正所謂「蘇州過後無艇搭」,一時遲疑,

要追返轉頭就要花好多功夫了~

 

英國單親媽Jo之前坐飛機由西班牙回國,

上機時得到好心靚仔幫佢搬行李,

途中又傾咗幾句,仲要個男仔叫Joel……名都似埋,唔係緣份係咩先?

 

只可惜,Jo冇留低電話俾呢位靚仔暖男,

眼白白睇住佢落機。

於是Jo就上facebook出post,叫大家幫手share,

又將喺機上影嘅靚仔偷拍照po出來,希望增加成功機會。

 

呢個post幾日內就得到成800次share,仲有唔少網友教路︰

「你打去同航空公司講,靚仔Joel漏低咗嘢,叫佢打你電話交收。

Joel打嚟,咪同佢講『你漏低咗我呀』。」

呢招咁……港產片嘅?

 

人海茫茫,搵到Joel嘅機會有幾大?心知肚明啦。

不過香港哲學大師黎明話齋,

「坎坷過後有艇搭」。

祝你有緣千里能相會啦吓。

原文傳送門

最近的19+幾樣野

一次過睇晒!300+舊報紙廣告

VR骨場 虛擬少女幫你按腳 師傅其實係…

減走半個自己 瘦身男做手術「修皮」

被劏肚遭鹽醃 少男死於暴力天使手下

大義滅親?網友爭相投訴阿媽唔衛生

同老婆嘈交 人夫揸飛機撞自己屋企