使用條款 | 私隱政策

鄰家伯伯偷報紙有內情 結局超催淚

 

世上怪人多,隔離屋可能就有一個。

 

有巴打喺「美國高登」reddit討論區開post問︰你鄰居有幾奇怪?

其中一位網友Mewnir就講咗佢嘅經歷。

 

外國仲係會有人訂報紙,由派報人放入屋外郵箱。

呢位事主有日發覺,佢份報紙入面嘅填字遊戲,俾人填好晒。

雖則佢唔玩,但係成件事太詭異了吧,

於是Mewnir第朝早半個鐘拎報紙。

結果,填字遊戲都係填好晒。

隔日再早半個鐘check,又係填好晒。

有日Mewnir蒲完,朝早4點先返屋企,於是就放部迷你攝影機入信箱,

睇吓係邊個做。

結果,Mewnir搵到呢位「小偷」,就係隔離屋一位80歲嘅鰥夫。

攝影機仲影到伯伯係企喺佢信箱前面,用10分鐘時間完成填字遊戲,

一路諗一路留意事主門口。

 

Mewnir之後冇捉伯伯出嚟對質,反而……

買咗本有1000個填字遊戲嘅大結集,放喺伯伯門口。

敲完門佢就坐返上車,睇吓伯伯咩反應。

Mewnir話見到伯伯收到呢份禮物之後,開心到好似小朋友咁興奮,

仲即刻玩咗2個鐘!

第2日事Mewnir返屋企時,伯伯上前同佢道歉,仲請佢食曲奇餅。

之後佢地傾咗好耐,伯伯講返好多二次世界大戰期間服役嘅事。

 

Mewnir keep住買填字遊戲書俾伯伯,直到一年多前,伯伯過身……

唔少網友都大讚樓主,仲話9成嘅荷里活電影都冇呢個故事咁感動!

原post傳送門

最近的19+幾樣野

9歲女仲食緊人奶 非常阿媽被網友鬧變態

16港人單車環台 踩上國道險象環生遭警帶走

日式$148牛肉爆丼變迷你飯?食客呻中伏

5歲童患罕有癌症 臨終前對媽媽說「對不起」

家有毛孩要mark低!全港獸醫診所資料表

純愛故事下集 失散50年 他們重遇了!

專送核突小禮物 日本甘油條今年送呢條「大腸巾」