使用條款 | 私隱政策

借《蜘蛛俠》電玩場景求婚 點知未出街就分手

 

求婚,好似「煎pang」咁送隻摺紙戒指就得手嘅成功率有幾高?

Well……你係煎pang咪得囉!

 

而家結婚擺酒搞場大龍鳳仲未夠,求婚已經要驚天地泣鬼神。

有人用40萬換一句yes,

有人就搵蜘蛛俠幫手。

蜘蛛俠fans Tyler今年5月喺社交平台twitter出post,

希望開發蜘蛛俠電玩遊戲嘅公司,

可以喺嚟緊推出嘅新game入面,加入幫佢求婚嘅message。

話晒都係掛住《蜘蛛俠》個名,幫人嘅事又點可以托手跟?

遊戲公司就回Tyler「冇問題,你女友咩名?」。

 

上星期,遊戲出街。

遊戲嘅彩蛋入面,蜘蛛俠喺戲院前經過,

而戲院門外大牌就寫住 Maddie, will you marry me? 呢句求婚對白。

但喺呢一幕面世之前幾個星期……

Tyler同呢位女主角Madison(暱稱Maddie)分。咗。手……

 

Tyler接受訪問時話,因為(前)女友想有個成村人都睇見嘅求婚,

佢先膽粗粗同遊戲公司聯絡。

Tyler又話呢間公司好人到不得了,肯聽佢嘅提議之餘,

搞到而家呢個局面都提出幫佢改咗個畫面。

佢就建議將求婚改為懷念嫲嫲嘅訊息。

 

未完架!更爆嘅係,殘爆嘅Tyler仲拍條片放上youtube,

表示Maddie嘅新歡係自己嘅兄弟!!

 

事件經廣泛報導之後,Maddie向傳媒澄清,

佢同Tyler一早就有問題,因為二人關係變到好似阿媽湊仔咁,

成日要提呢樣提嗰樣。

Maddie又強調,係同Tyler分咗手,先同佢嘅兄弟一齊。

 

精采到咁……不如下一集Spider Man拍返呢個故仔ok?

 

原文傳送門

【相關搜尋】6大容易被戴綠帽男人類型揭密

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」