使用條款 | 私隱政策

2歲仔玩碎紙機 $1000美金變紙碎

 

細個整爛嘢,最多咪係玩具、傢私、電子嘢咁。

但係呢個B,一時多手貪玩,後果就甘喇。

 

美國猶他州一對夫婦Ben 同Jackee,儲起千幾蚊美金,

用嚟還返屋企人之前出住先嘅球賽季票費用。

 

有日,佢地發現呢筆錢唔見咗。

反轉成間屋都搵唔到,亦唔似有賊入屋。

媽媽Jackee後來喺碎紙機搵返……呢筆錢嘅殘骸。

Ben兩公婆當堂O晒嘴冇嘢講。

 

佢地估計,疑兇係2歲大嘅仔仔Leo,

因為阿仔平時有幫佢地手,一齊用碎紙機銷毀有地址同個人資料嘅文件。

或者阿仔有樣學樣,見到紙就碎,

而唔知銀紙係唔可以咁處理……

 

好在,美國有相關部門專門接收受損毀鈔票,

Ben聽到立即將紙碎包好寄俾對方。

假如堆紙碎砌得返做銀紙同確認到金額,就會俾返呢筆錢佢地……

 

不過需時可能1-2年。

 

唯有當係儲起咗啦。

原post傳送門

【相關搜尋】燒銀紙犯法嗎?