使用條款 | 私隱政策

討論「細個做過咩犯法行為」 引出10年前公園大火元兇?

 

年少無知,點都做過錯事。

 

有網友就喺連登討論區問大家「細個做過咩犯法嘢」,

原來唔少人都做過呢啲事︰

 

偷竊,尤其店鋪盜竊

高空擲物。有人擲雞蛋,有人倒污糟水,有人自製「尿袋」飛落街……

刑事毀壞,包括打爛阿sir架車塊玻璃、執石仔喺天橋掟路經車輛……以及呢單。

 

有巴打自爆,10年前「燒咗屯門某公園」。

此話一出,其他巴打即刻做嘢,搵返事發地點就係屯門老鼠洲公園。

2009年3月,該公園喺凌晨時份發生火警,

燃燒地膠造成嘅黑煙高達幾米,事後公園嚴重損毀。

當時有目擊者指,起火前曾有青年於公園內玩火。

話口未完,就有巴打起到呢位疑似縱火者,

原來係絲打,仲要搵到相……

但係好快就有「神探」發現,可能係絲打同男友共用account,

因為2個人嘅IG account之中,男友好快手private咗,個女仔反而照常運作。

之後呢位疑似縱火巴打就「澄清」,當時只係路過睇人玩火,希望大家放過佢。

冇做過點解要人放過呢?

 

有人就cap圖話報咗警,唔知件事最後會唔會水落石出呢?

原post傳送門

【相關搜尋】 高登仔屢破奇案