使用條款 | 私隱政策

外賣仔向pizza吐口水 隨時要坐18年監?

 

食肆員工向食物「加料」,偶有所聞。

身為消費者固然覺得要懲罰呢啲缺德者,不過罰到咁就……

 

土耳其一名18歲薄餅速遞員Burak,將客人Huseyin預訂嘅pizza送上門前,

被閉路電視影到,佢疑似向個pizza吐口水。

而Burak向個pizza有所動作之時,佢自己都有拎手機出嚟自拍。

Huseyin 個親戚住喺樓下,喺閉路電視見到事發經過,

於是通知準備開餐嘅Huseyin。

事後,Huseyin向薄餅店投訴兼報警,仲話落order才不過2分鐘嘅事,

冇鬧過人,唔明點解要俾人加料。

 

但係外賣仔Burak就有另一套講法。

 

佢話因為落單嘅人客喺電話鬧過佢同事,知道對方係麻煩客,

所以到埗前打開盒檢查pizza係咪完好無缺,

自拍都係send俾接單同事確認一下,強調冇吐口水。

 

有關當局已經拎咗個pizza去化驗,以確定有冇Burak「放飛劍」。

 

而家Burak就俾控「落毒或破壞食物以危害他人生命」及「毀壞貨物及危害顧客健康」2條罪,

罪成的話前者可判監2-15年不等,

而後者刑期最長可以判3年。

如果個官重判又分期執行的話,隨時要坐18年!

無論入罪與否,可以肯定嘅係Burak已經冇咗份工。

 

原post傳送門