使用條款 | 私隱政策

老公係咪同志?大馬官員︰拎手機去廁所有嫌疑

 

馬來西亞係回教國家,所以都會「討論」同性戀議題,

咁角度梗係同其他地方唔同啦。

 

大馬「伊斯蘭發展局」嘅「家庭社會及社區發展部」官員莫哈末伊茲旺博士,

就喺一個關於「現代生活與文明」講座度,教現場幾百位女性,

點分辨自己老公係咪同志!

 

阿博士話,如果身為人夫,

喺屋企會拎埋手機去廁所、

Send性器官照片俾男性、

4個月至1年冇同太太行房,

咁樣,個老公就好大機會係同志!

 

佢仲教各位人妻,得閒就check老公手機,

睇吓有冇曖昧短訊、不雅照片send過俾人……

 

更爆嘅係,博士講起當年做研究,

要訪問兩位女同志,太太擔心博士會被引誘,話要跟埋去。

博士就同老婆講︰佢地唔會鍾意我嘅,但係可能會誘惑你。

就係咁,佢老婆就冇跟住嘞。

 

感謝莫哈末伊茲旺博士提供笑話。

 

未完嘅,始終係回教國家,睇法同我地有出入唔出奇。

最後博士表明,當局唔贊成同性戀,因為喺伊斯蘭教義嚟講係一種罪,

但穆斯林唔應該抱持歧視眼光,

亦唔應該否定同志有獲得輔導同諮詢權利,佢更相信「同志獲得輔導就會有改變」。

(圖片來源︰中國報)

原post傳送門

【相關搜尋】偷睇老公手機被判監

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」