使用條款 | 私隱政策

冬甩店老闆娘患病入院 善心客大手掃貨等老闆早收工

近年成日見到店鋪客人對服務、食物以至貨品嘅投訴,

其實又唔係度度都係咁劍拔弩張嘅。

 

美國加洲一對柬埔寨裔嘅夫婦,

佢地70年代以難民身份去到美國,儲咗10年錢之後

喺當地橙縣(Orange County,n年前有套美劇以呢個地方為名)開設冬甩店,

多年來風雨不改照常營業,儲落唔少熟客,

賣晒嘢鋪頭就閂門。

呢期有客人發現,得返老闆John一個睇檔,

老闆娘Stella呢?

原來因為心臟病入咗療養院!

 

熟客仔Dawn個心都覺得硬住硬住,於是就喺當地社區網站開post,

呼籲大家多啲幫襯,等John可以早啲收工去陪Stella。

消息傳出去之後,唔少人真係一朝早就去買冬甩,

仲要一打打咁買!

而家John半晝就賣晒所有出品,最勁試過朝早10點就收得工!

幫襯嘅人客好欣賞老闆夫婦咁多年來都咁勤力﹐

所以決定用行動支持!

 

唔使食都知,呢批冬甩一定好甜……

唔止甜在口,仲甜在心。

原post傳送門

【相關搜尋】冬甩個爸爸係邊個?

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」