使用條款 | 私隱政策

80歲婆婆 自駕遊穿越非洲搵英女王

 

上個禮拜我地介紹過一位「連登討論區」巴打,

由香港出發踩單車去挪威嘅壯舉。

唔係得年青人想去冒險架,

有位80歲婆婆,都踏上這無盡~~~旅途~~~

 

佢叫做Julia,本來係南非開普敦一位平凡老友記。

有日佢聽收音機,聽到總統話自己鍾意揸靚車,

當堂一秒撻著!

Julia即刻打上電台,話自己架車揸咗20年都冇問題,

仲誇下海口話要揸自己架愛駒,

由南非一路向北,穿越褂洲殺上歐洲,去到英國倫敦搵英女王飲茶!

唔係得個講字,

半年之後,Julia 80歲生日當日,佢真係出發!

 

沿路雖然有仔女分段陪伴,但係有時要搭帳蓬野外度宿,

都幾考體力。

聽落穿越非洲大陸好似會危機四伏,

但係Julia見到嘅,都係美好人和事。

有同路嘅貨車司機認得佢,俾佢行先!

Julia又試過跟住班後生仔女去露營,仲走去裸泳!

 

不過去到埃及,Julia終於因證件問題未能前進。

返到老家抖咗幾個月之後,佢再次同愛駒結伴闖蕩,

由希臘出發,一路駛上英國,但係就約唔到英女王飲茶。

 

而家Julia繼續佢嘅旅程,由歐洲一路向南,以陸路回家。

 

好羨慕佢有呢股勇氣……同埋了無牽掛嘅狀態。

「有一種自由係隨年齡增加,直到呢次旅程我先發現。當你仔大女大,老伴走咗,其實冇咩好擔心」。

之不過,想做真係趁後生,因為Julia都少不免覺得,老咗先出發,

點都爭啲!

「好希望自己後生40年,而唔係喺呢副被上帝遺棄嘅身體……我仲有山要爬,有湖想跳去游水!」

 

好型!

原文傳送門

【相關搜尋】自駕遊8大注意事項