使用條款 | 私隱政策

教育中心拖數 網頁設計師喺網站貼「大字報」追數

 

唔止一次聽過,做設計師做影片製作嘅朋友,

要搵到個客找數,難過登天。

 

大機構手續多,都明;

細公司呢?

 

喺「靠北設計師」呢個爆料專頁,就有單追數post。

是咁的,有間教育中心,以$4800價錢,

搵設計師起網站,再加保安認證、1年網頁存放、購買域名以及設計用相片版權。

計落,都幾化算。

不過呢間教育中心同普天下嘅客一樣,

拖欠設計師尾數$3800。

 

內文冇講拖幾耐、聯絡咗幾多次都不得要領,

但係設計師就用呢個方法追數……

可以話係網上版嘅淋紅油同寫大字。

 

我地再上去呢間教育中心網頁,嗰句字眼已經變成Error 404。

再隔一個鐘,直頭上唔到呢個page。

 

查實條數真係俾唔起的話,又點解要做網頁呢?

你間教育中心,可唔可以俾小朋友上晒堂都唔交學費,仲係咁拖數先?

淨係呢啲道德水平,都幾難說服家長將個小朋友交俾呢間中心「教育」。

原post傳送門

【相關搜尋】宏利500蚊賤價請製片