使用條款 | 私隱政策

平民鞋店大整蠱 扮高檔品牌 潮人集體中伏

 

美國一個連鎖平價鞋店,喺加州貴價地段、一個上手係名店嘅鋪位,

開咗一間pop up store。

 

行高檔路線?係!

不過唔係轉型咁簡單,背後有陰謀嘅……

佢地先改過個店名,由原本嘅Payless轉成諧音Palessi;

開店當日搞個party,請一堆KOL出席,十足名店開幕一樣。

然後將自己嘅平價貨,擺喺呢間鋪度賣,

擺位當然唔係散貨場咁,一個鞋架任你揀啦!

最後再將標價提升n倍。

有對本來賣20蚊美金嘅運動鞋,mark up到640蚊!搞掂!

喂,d客唔識分嘅咩?真係唔識!

頭先講嗰對鞋,真係有人買,仲話好正!

間鋪開咗幾個鐘,做咗3000蚊美金生意。

 

而呢一切都係一個局,就係用嚟拍片做廣告,

証明平價鞋鋪都有好嘢,

收咗嘅錢都會退返俾呢班水魚……sorry,客人先真!

 

呢班「時裝人」受訪時一臉驚訝,真係睇人中伏最開心~~

 

話時話,呢個實驗證明扮高檔品牌有得做,

不如真係轉型啦,仲好賺呀!

原文傳送門

【相關搜尋】名牌手袋扮IKEA尼龍袋

最近的19+幾樣野

麥記新包好堅硬 幾層樓掟落街都唔爛

英航客機飛錯目的地 飛德國去咗愛丁堡

抹窗都有世界盃 冠軍用17秒抹3隻office大窗

超可愛! 2歲妹妹眼睫毛3cm咁長 似足漫畫人物

丐幫眾生相 每日賺$1000 有屋住都去乞錢

呃飯食?KOL「請槍」用程式出post 真係有餐廳邀請試食