使用條款 | 私隱政策

著無袖衫採訪國會 女記者被逐 理由︰露肉太多

喺香港嘅立法會,議員被逐時有所聞。

不過我又未聽過因為呢個理由被人革扯……

 

澳洲傳媒ABC News喺當地係主流媒體,

該台女記者Patricia Karvelas,早前去到國會大樓採訪,

但係被一位眾議員職員指佢件衫「露出太多肩膊」,要求佢披返件外套。

Patricia認為自己著嘅係無袖裇衫,並唔係背心,

符合國會對衣著嘅指引,

同對方講呢個要求唔合理。

但係職員都係強調Patricia衣著唔恰當,要佢離開。

Patricia即時離場以示抗議。

 

事後Patricia拍片上載社交媒體,

著返嗰件無袖衫,講解事發經過,並補充指當日著嘅西褲都所當企理。

有網民就質疑,該國一名女性前外長,上月出席國會會議,

穿著一件粉紅色無袖連身裙,都無被指衣著不恰當,

懷疑有關方面大細超。

另一名議員Adam Bandt就表示,去年曾經要求修改衣著指引,

因為連攝記都要著外套,好不設實際,但係被議會方面拒絕咗。

 

有網友為支持Patricia,喺社交媒體用上 #ShowUsSomeArm 標籤,

並貼上自己著無袖衫嘅照片。

 

原來要趕人出議會,一件外套就得。邊駛DQ咁煩?明晒!

來源︰BBC 、ABC

【相關搜尋】露肉火辣老闆娘

最近的19+幾樣野

麥記新包好堅硬 幾層樓掟落街都唔爛

英航客機飛錯目的地 飛德國去咗愛丁堡

抹窗都有世界盃 冠軍用17秒抹3隻office大窗

超可愛! 2歲妹妹眼睫毛3cm咁長 似足漫畫人物

丐幫眾生相 每日賺$1000 有屋住都去乞錢

呃飯食?KOL「請槍」用程式出post 真係有餐廳邀請試食