使用條款 | 私隱政策

全場$298! 電器店網站標錯價 網友狂掃MacBook

 

未到聖誕,咁快有禮物收?!

 

有連登巴打今日凌晨出post,發現有連鎖電器店網站疑似標錯價,

唔少產品售價設成$298,

當中包括智能手錶、雪櫃,甚至手提電腦!

 

唔少巴打即刻去掃貨,仲話張單已獲確認,

又匯報自己戰績,

有人話買咗十部蘋果手提電腦Mac Book!

如果真係成交的話,再轉售呢10部電腦,隨時賺幾萬蚊!!

不過過咗一陣,已經有巴打發現load得好慢,

過多陣網站甚至顯示暫停運作。

而且有人仲cap到圖,該店購物條款指明訂單要視乎貨品供應再確認,

並且保留有關權利,

似乎訂到貨都未必過到骨。

之前都試過有電腦品牌標錯價,以原價三折出售最新款手提電腦。

事後,電腦品牌決定取消所有錯價訂單,並為受影響消費者提供特別折扣,

用家可視乎折扣決定繼續購買與否。

但係另一宗發生喺台灣嘅同類事件,法官指標錯價係宣傳技倆,

判電腦公司要以錯價出貨被消費者。

 

照咁睇,呢份聖誕禮物,好大機會中空寶。

原post傳送門

【相關搜尋】標錯價商品說明條例