使用條款 | 私隱政策

失聰爸爸睇演唱會 乖女即場手語翻譯

 

人大咗,同屋企人見面,除咗食飯行街去旅行之外,

好似冇咩其他選擇。

睇戲,又好難有一致心水;

 

更何況……睇演唱會?最多咪陪睇,即係是但一方唔係太享受。

如果父母同仔女都有共同喜愛嘅表演,一齊睇就梗係最開心!

 

樂隊Three Days Grace喺加拿大愛民頓舉行音樂會,

有人就影到台下呢一幕。

 

一位年輕女子,一路聽歌一路對住爸爸做手語,

即時傳譯歌詞意思。

去片

好多人睇到呢條片都覺得感動,有傳媒就搵到當事人,

19歲嘅手語少女Karri。

 

或者你都會問︰爸爸聽唔到嘢,點解會去睇演唱會?

Karri就解釋,爸爸雖然天生完全失聰,不過有帶助聽器,

當時聽到音樂但聽唔清歌詞,

所以就用手語解俾爸爸知,等佢睇得更投入。

其實嗰次係佢地兩父女第一次一齊睇show,

呢隊樂隊亦係佢地嘅最喜愛組合,甚至係爸爸介紹佢聽。

 

Karri話,當時都為意到有人用手機影緊佢做手語,

但係估唔到啲片會喺網上瘋傳,甚至連Three Days Grace都轉發!

Karri爸爸呢次睇show睇得相當開心,兩父女都希望有下次。

 

我都好希望下次徐小鳳開show,可以的起心肝撲飛,

帶埋兩老去睇。

原post傳送門

【相關搜尋】 葉蘊儀手語問連詩雅是否處女