使用條款 | 私隱政策

太多人拎飲管 麥記經理索性咁做……

 

由上年平安夜開始,

連鎖快餐店麥當勞停派飲管俾顧客,減少製造塑膠垃圾。

 

走塑出發點係好,不過往往衍生好多問題,

要前線員工解決。

 

繼之前有網友話佢阿爸買咗一包飲管,

去麥記派街坊方便大家之外,

有連登巴打就目睹,

某麥當勞分店職員將一袋飲管放喺櫃枱當眼處,等顧客自己拎。

可能因為太多客人問店員拎飲管,為免加重工作量先咁做。

規矩上係錯嘅,不過唔少巴打都俾正評,甚至話係「德政」。

 

但係亦有環保網友,將呢個post放上facebook一個「走塑」專頁,

話要投訴云云。

冇幾耐就有人搵到呢個專頁嘅環保網友,原來佢坐飛機都會自備餐具……

咦,搭飛機嘅碳排放都唔嘢少架喎。

此post通天之後,各分店應該會收到上頭「提醒」,

怕且都冇得咁揚。

 

嗱,任何改善地球環境嘅事我都撐嘅,我亦都冇用飲管好耐。

只係每樣環保政策背後,都要考慮所帶來不便︰

因為「唔環保」嘅事物,多數係因為方便先至存在。

點先驅使得到方便嘅人選擇「環保」而唔係「方便」?

錢係一個好大誘因,即係膠袋收費、外賣膠盒加一蚊等等,

就可以令唔想俾額外錢嘅消費者自備膠袋/食物盒。

 

飲管收費?可以架,但係有小朋友/老人家真係要用飲管先飲到汽水,

而且,收幾多先好?5毫1蚊又太多,1毫子又冇作用。

 

用第啲可分解材料整飲管?咁咪可以將「環保」同「方便」 一併解決囉。

成本嘛。錢係一個好大誘因,對消費者係,對商家嚟講,更緊要。

咁既然前線員工派唔派飲管都係收咁多人工,

老細梗係等前線去拆呢啲日常濕碎啦,冇額外成本但收到光環喎。

但係10個有6個人問店員拎飲管,增多咗嘅5-10秒工作時間就係成本嘞。

前線員工就梗係用另一個冇成本嘅方式解決啦。

 

咁點做先平衡到「環保」同「方便」?

講第3次,錢係一個好大誘因嘛。

有人出錢,我咪同你度囉。

原post傳送門

【相關搜尋】走塑環保人士出位言論

最近的19+幾樣野

善良劇透網 預告有冇狗狗死亡 血腥畫面

去沙灘贏晒!超浮誇快艇型浮床

日本毒男毒女餐廳 大量自閉位仲有得叉電

SNAPCHAT童顏效果 竟然係捉孌童癖神器

阿媽著小背心出席阿仔生日會 被餐廳趕走