使用條款 | 私隱政策

美國夫婦靠計數破解彩票 10年賺2億

 

中頭獎,唔係靠彩數,而係靠計數?

 

美國密歇根州一對80歲夫妻Jerry 同Marge,

由高中相識到結婚生仔,一齊半個世紀有多,

夾手夾腳開便利店捱大6個仔女,十幾年前終於退休。

2003年一個早上,Jerry見到一款叫Winfall嘅彩票。

本身大學數學系畢業嘅佢,用咗3分鐘就搵出呢款彩票嘅漏洞。

 

Winfall玩法少少似六合彩,一蚊美金一注,都係揀6個號碼,

不過當累積獎金去到500萬的話,

假如冇人買中6個得獎號碼,中3-5個冧巴嘅話都有得瓜分頭獎獎金。

 

Jerry計過數,發覺買1100注嘅「小包圍」都有肉食,

於是以3600蚊美金小試牛刀,結果中咗6300蚊!

之後佢再買,用8000蚊本金,賺咗個double。

 

捉到路嘅Jerry唔只自己賺,仲開投資公司,幫親朋戚友賺埋一份。

不過之後州政府停售Winfall,理由係「太少人買」。

之但係Jerry又收到風,麻省有推出類似嘅獎券Cash Winfall,計過數都係有賺。

 

於是呢對夫妻,連續6年,Cash Winfall一有開獎,

就揸十幾個鐘頭車去麻省,用幾十萬嚟買彩票,然後再租間cheap雞酒店房,

一連十日,每日十個鐘,對下嗰一大疊彩票有冇中獎。

 

咁多年來,淨係唔中嘅彩票,都值1800萬。

Jerry夫婦全部留起,夠裝60個膠箱。

點解要keep?因為驚政府查數。

 

結果,佢地間投資公司,靠計數買彩券,9年來賺咗2600萬美金,

即係大約2億港紙。

因為有傳媒踢爆,麻省政府因此停售Cash Winfall,仲調查Jerry夫婦,

不過發現係合法獲利而不予追究。

 

仲未賺完架!有片商睇中呢個經歷,Jerry夫婦已經將故事授權賣咗,

又食多浸。

 

所以呢,搵大錢都真係要用腦架。

原文傳送門

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了