使用條款 | 私隱政策

麻疹大爆發 反疫苗家長問點預防 冇打針少年想偷偷「抗命」

 

近年有股風氣,有部份家長以「疫苗有害」為由,

拒絕俾小朋友接受防疫注射,

早排仲有團體草擬一份確定疫苗安全嘅文件,要為兒童接種疫苗嘅醫生簽署,

內容係子女一旦因為疫苗而出現健康狀況,

有關醫護人員要負責日後醫療開支。

呢份文件真正用意,其實係想令醫生「知難而退」。

 

喺呢股「反疫苗」風氣下,外國有兩單咁嘅新聞。

 

美國華盛頓州近來發出公共衛生警報,表示該州嘅麻疹個案數字有爆發趨勢。

而呢個州嘅未接受疫苗兒童比率,係高於平均數字。

 

有位住喺當地嘅媽咪,就係一個反疫苗群組度問,

佢位3歲嘅小朋友冇打防疫針,有咩方法可以避免感染。

……唔,唔打針又唔想感染係咩玩法?

 

結果呢個post被cap圖,當然得到好熱烈嘅回應。

有人問呢位夠媽係咪唔多鍾意呢個小朋友。

有人話唔打針,即係寧願個小朋友生命有危險,都唔想佢有自閉症呢類副作用。

原文傳送門

 

那邊廂,有位15歲少年,上到reddit討論區出post,

表示父母反對注射疫苗,但係佢自己就想有保障。

佢已經用咗4年時間說服父母都唔成功,

於是想知有冇合法途徑,可以毋須家長同意下接受注射。

後來少年以電郵回應傳媒,就話父母都有接受注射,

而佢地討論打唔打針時,態度係平和嘅,出發點亦都係為個仔好,

只不過阿媽成日都拖延話遲啲決定。

少年又質疑反疫苗資訊嘅可信性,甚至懷疑係咪推廣自然療法嘅手段。

 

唔少網友都提醒,千祈唔好冒簽名,

最好都係同學校護士商量,或者等到18歲先自己安排。

 

唔打針,可能係家長心目中對小朋友最好嘅選擇。

但係對成個社群嚟講,呢個又係咪「最好嘅選擇」?

 

原文傳送門