使用條款 | 私隱政策

連登仔中六合彩留言即派十萬 真相係……

 

前晚六合彩搞珠,頭獎有成5千幾萬,

比起一億當然冇咁吸引,但係都好夠駛啦吓話。

有連登巴打喺搞珠前出咗個集氣post,

希望大家幫手,如果真係中六合彩嘅話,

頭10個留名嘅巴絲打,人人有10萬!

仲post咗馬會網上投注版面,show俾你睇買咗咩number。

開獎之後,呢位巴打再留言,話真係中咗……

睇返張圖,喂!唔係咁邪吓嘛?

好多巴打立即蜂湧留言想分返份,

仲有人叫樓主投資佢寫嘅3個劇本……

但係之後開post巴打就潛咗水,係咪講完唔認數先?

 

稍後就有另一位巴打出post,踢爆呢一切都係個局!

原來出post話派錢嘅巴打,出post時先post一張投注number圖,

到搞珠之後偷偷換圖,再留言等個post浮上水面,

咁就營造出「中獎」嘅假象。

 

玩咁大,自然俾人起底。

有人發現原來呢位巴打之前都做過類似事情,

但係亦有另一個聽落合理嘅版本︰

樓主真係買中咗,但係為咗走數,於是改咗張圖。

 

無論邊個說法都好,其實樓主算唔算犯咗法?

原post傳送門