使用條款 | 私隱政策

阿叔做孌童癖獵人 被疑犯咬斷手指

 

唔使有超能力,人人都可以係英雄。

 

英國有位59歲阿叔Steve Little,佢公餘時間有個任務︰

打擊孌童癖罪行。

 

本身係醫護人員嘅Steve,有次睇到條片,

係介紹網上一個專門狙擊網上誘約兒童活動嘅組織,

之後就好想加入,因為呢個組織係以合法方式保護未成年者,

以免佢地被有意圖嘅成年人約出嚟之後,會發生不幸事情。

 

唔係想加入就加入,Steve要證明自己無犯罪紀錄,

仲要同負責人電話對談,冇問題先至成功過關。

 

Steve個女對於老豆咁搏命都有意見,

但係聽落都覺得有意義,於是自己都參加埋一份,

開咗個假account扮細路女,

估唔到話咁快就有勁多怪叔叔add,

又send埋晒啲古怪照片同message。

 

因為有位怪叔叔嘅訊息太有嫌疑,組織決定假扮係個14歲少女約佢出嚟。

Steve形容行動之前「腎上腺素係咁升」,好刺激。

 

終於見到個怪叔叔,7個組織成員上前捉住佢,

英國法例係容許市民喺警方到場前拘捕嫌疑犯。

點知個犯發茅逃走,混亂間Steve一節手指尾俾佢監生咬斷!

 

Steve隻手指駁唔返,但係個犯都走唔甩,

最後仲被控誘約16歲以下人士、傷人、襲擊等罪名被判監10年。

第一次行動就出事,Steve話唔後悔,不過因為患上創傷後遺症,

佢冇再參與組織嘅行動。

 

「我冇咗隻手指,但係如果有小朋友上釣,人地個家就會冇咗個仔女」。Steve如是說。

原文傳送門

最近的19+幾樣野

花花去哪兒?情人節花的故事

熱愛大自然到咁?行山媽帶B「爆林」走荒徑

親身體驗學生沉迷打機成因 阿sir喪打手遊打上癮

公司賺30億唔出花紅 同事出email聲討

打擊非法居留新招 美國移民局開假大學真放蛇

校方叫停情人節活動 大專院校學生會︰「邱比特」三字被指鼓吹談戀愛